Miljøterapeut

Volda kommune

Volda, Møre og Romsdal
Fast
Fulltid

13 dager siden

Om stillingaVi har ledig ei 100% fast stilling som miljøterapeut i Myra bufellesskap. Vi arbeider i todelt turnus med arbeid kvar 4 helg. Myra bufellesskap er ein seksjon med nesten 6 årsverk som ligg til rus og psykisk helseteneste, som igjen er ein del av sektor helse og omsorg. Bufellesskapet er lokalisert på øvre Rotset i Volda kommune. I Myra bufellesskap tilbyr vi helsehjelp og praktisk bistand til personar med samansette lidingar innan rus og psykisk helse. Nokre av våre viktigaste mål er at brukarane skal oppleve meistring og auke deltaking i eige liv i kvardagen.
Rus og psykisk helseteneste som heilheit er tverrfagleg samansett og har særleg kompetanse innan psykisk helse, rus, avhengigheit og samtidige lidingar. Vi har til saman 30 årsverk fordelt på 4 tenesteområde. Vi tilbyr individuell oppfølging i psykisk helseteneste og rustenesta, arbeid og aktivitetstilbod ved lågterskeltilboda Styrk-arbeid og Møteplassen Gnisten, samt døgnteneste til heimebuande og Myra bufellesskap.NøkkelinformasjonSøknadsfrist:01.05.2024Arbeidsgivar:Volda kommuneStad:VoldaStillingstittel:MiljøterapeutStillingar:1Heiltid / Deltid:HeiltidTilsetjingsform:FastStillingsprosent:100Webcruiter-ID:4800374872Sosial deling :Arbeidsoppgåver

Miljøterapeutiske tiltak i heimen, samt støtte til viktige avtalar/møter og behandling
Bistå i henvising til speialisthelsetenesta og ulike behandlingsforløp ved behov
Koordinere og samarbeide med pårørande, fastlege, NAV, spesialisthelsetenesta og andre aktuelle aktørar
Rettleie pårørande
Delta i endring og utviklingsarbeid
Dokumentere i Gerica: dagleg rapportering, registrering av avvik, evaluering og oppdatering av tiltaksplan
Medansvar for å vidareutvikle den faglege kvaliteten på tenestetilbodet
Bidra til at brukarane får individuelt tilpassa tenester, ein meiningsfylt og aktiv kvardag
Primær og sekundærkontakt-ansvar
Rettleie og lære opp kollega og studentar
Kunne anvende lover, forskrifter, retningslinjer og avtaleverk innanfor fagområdet

Kvalifikasjonar

Det er krav om relevant bachelor; fortrinnsvis utdanningar som gir medisinkompetanse som sjukepleiar eller vernepleiar. Andre med relevant bachelor vil også bli vurdert; eksempelvis sosionom eller barnevernspedagog med vidareutdanning.
Søkjarar med vidareutdanning innan rus og psykisk helse og erfaring frå liknande arbeid vil bli prioritert
Det er naudsynt med god skriftleg og munnleg framstillingsevne
Gode kommunikasjonsferdigheiter og samarbeidsevner, ein lagspelar som tar initiativ og bidreg til positivt arbeidsmiljø
Førarkort (klasse B) er eit krav
Gode ferdigheiter i dokumentasjon og bruk av digitale verktøy
Politiattest utan anmerkingar er ein føresetnad for tilsetting og må leverast arbeidsgivar for den som er aktuell for stillinga
I tillegg til formell kompetanse som miljøterapeut vil personleg egnaheit vere avgjerande.

Personlege eigenskapar

Du er ein person som har interesse for psykisk helsearbeid og rusarbeid. Vi arbeidar med ei sårbar gruppe, noko som krev at du kan halde ut over tid når det er vanskeleg
Du bidrar aktivt til å sjå og oppmuntre andre slik at vi også i framtida har ein triveleg arbeidsplass der vi tek godt vare på kvarandre. Du har ein god arbeidsmoral og legg vekt på nærvær og høg kvalitet i arbeidet ditt
Du er roleg, tydeleg, tolmodig og stabil, samtidig som du set grenser og står i konflikt og krevjande situasjonar
Gode samarbeidsevner både når det gjeld brukarar, pårørande, samarbeidspartar og kollega
Gode evner til sjølvregulering og samregulering i møte med andre sine kriser
Evne til å halde deg fagleg oppdatert og tileigne deg ny fagleg kunnskap
Evne til å jobbe strukturert og målretta ut i frå brukarane sitt behov
Du likar å få ansvar, ser løysingar og er fleksibel
Du likar å jobbe systematisk og målretta og gleder deg over dei små framstega i arbeidet

Vi tilbyr

Ein spennande jobb der du får være med på å utvikle tenestene.
Varierte arbeidsoppgåver og utfordringar som gir deg moglegheit for personleg utvikling
Turnus med kombinasjon av dag - kveld og arbeid kvar 4 helg med langvakter
Du kan få tilbod om kompetansehevande kurs og rettleiing
Godt arbeidsmiljø med trivelege kollegar

Adresse: Prestegata 2, 6100 Volda, NorgeKontaktinformasjonSigurd Riste SkarsvågOm arbeidsgivarenVolda kommune er den største kommunen på Søre Sunnmøre og den femte største i Møre og Romsdal når det gjeld folketal, med i underkant av 11.000 personar. Kommunen ligg strategisk til midt i kryssinga mellom fylker og regionar, med kort veg til ruvande fjell og djupblåe fjordar og vatn. Det er kort veg til dei majestetiske Sunnmørsalpane og eit stort utval av turløyper som passar heile familien.I Volda finn du både høgskule og sjukehus, noko som bringer eit stor mangfald av menneske frå heile landet hit. Med eit yrande student- og kultuliv gjennomførast det tradisjonsrike festivalar heile året og vi har mange lag og organisasjonar ein kan engasjere seg i.Det er om lag 1.000 engasjerte tilsette i kommuneorganisasjonen som kvar dag gjer ein viktig jobb for innbyggjarane i kommunen. Om du også ønsker å ha ein meiningsfylt og spennande arbeidskvardag, oppmoda vi deg til å søke på stillingane kommunen lyser ut.Ta gjerne ein tur innom for å bli betre kjent med oss!

Volda kommune

Søk stillingen