Sjukepleiar/vernepleiar/sosionom - kommunehelse og -omsorg
STATSFORVALTAREN I VESTLAND AVD BERGEN
Bergen, Vestland
kr 610.000-770.000 pr år
Fast
Fulltid
2 dager siden
Om stillingaEr du vernepleiar/sjukepleiar/sosionom eller har anna helsefagleg eller sosialfagleg utdanning, og ønskjer å jobbe ut mot sårbare grupper og saker etter helse- og omsorgstenestelova kapittel 9? Helse-, sosial- og barnevernsavdelinga har ei fast stilling frå 1. juli 2026.Avdelinga har ulike rådgjevings- og forvaltningsoppgåver, og fører tilsyn med barneverns-, helse-, omsorgs- og sosialtenestene. Avdelinga har brei kontakt med kommunar, spesialisthelsetenesta og nasjonale styresmakter. Vi behandlar enkeltsaker og fører tilsyn med kommunar, helseføretak og institusjonar, gir råd og rettleiing og medverkar til gjennomføring av nasjonale mål. Fylkeslegen leier avdelinga, som har tilsette med kompetanse innan barnevern, sosial- og helsefag, rettsvitskap, pedagogikk, samfunnsfag og administrasjon. Avdelinga har tre seksjonar og kontorstader på Leikanger og i Bergen. Stillinga er knytt til seksjon kommunehelse og -omsorg med kontorstad i Bergen.ArbeidsoppgåverArbeidsoppgåvene er varierte og i stor grad tverrfaglege. Dei femner alt frå formidling av informasjon, rettleiing og medverknad til gjennomføring av ulike nasjonale satsingar. Den ledige stillinga er primært knytt til handsaming av saker etter helse- og omsorgstenestelova kapittel 9, som gjeld tvang overfor personar med psykisk utviklingshemming. Ein vil også arbeide med tilsynssaker og sikre at personar med nedsett funksjonsevne får sine rettar til nødvendig helsehjelp og tilrettelegging oppfylt. Arbeidet er variert og i stor grad tverrfagleg. Oppgåvene kan bli endra avhengig av behov og kompetanse i seksjonen.Kvalifikasjonar
Bachelor som vernepleiar/sosionom/ sjukepleiar eller bachelor i andre helsefag/ sosialfag.
Vidareutdanning og/eller masterutdanning innan helse/sosialfag blir vektlagt.
Erfaring med sakshandsaming frå offentleg/kommunal forvalting er ønskeleg.
God skriftleg og munnleg framstillingsevne på bokmål og nynorsk.
Gjerne erfaring frå klinisk praksis som ikkje ligg altfor mange år tilbake i tid.
Kjennskap til tilskotsforvaltning, og innsikt i IKT/velferdsteknologi vert vektlagt.
Personlege eigenskapar
Du må like å finne løysingar og kunne formidle kompliserte problemstillingar på ein god måte.
Du må kunne arbeide systematisk og sjølvstendig innan dei fristane som er sett og vere innstilt på å samarbeide nært med kollegaer.
Vi legg vekt på gode samarbeidsevner, evne til systematisk arbeid, analytisk refleksjon, fleksibilitet og omstilling.
Som tilsett hos Statsforvaltaren får du
interessante arbeidsoppgåver
eit kompetent og tverrfagleg arbeidsmiljø
ein arbeidsplass i utvikling
medlemskap i Statens pensjonskasse med god pensjonsordning, gunstig bustadlån og forsikringsordning
trening i arbeidstida
delvis heimekontor
fleksibel arbeidstid
løn i samsvar med vår lokale lønspolitikk
Vi ønskjer mangfaldStatsforvaltaren ønskjer mangfald, og vil leggje til rette for eit inkluderande arbeidsliv. Aktuell tilrettelegging kan for eksempel vere tekniske hjelpemiddel, tilpassing av møblar eller endringar av rutinar, arbeidsoppgåver og arbeidstid.Vi meiner at inkludering og mangfald er ein styrke. Vi ønskjer tilsette med ulik kompetanse, fagkombinasjonar, livserfaring og perspektiv for å bidra til endå betre oppgåveløysing.Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju.VilkårAlle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå .Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.Stillinga er lønna i stillingskode 1434 rådgjevar/1364 seniorrådgjevar, frå kr 610 000-770 000 brutto per år ut frå kvalifikasjonar og lokal lønnspolitikk. Stilling som seniorrådgjevar har strenge krav til kompetanse. For særskilt kvalifiserte søkjarar kan vi vurdere høgare lønn.Dei første seks månadane er prøvetid. Du kan lese meir om det i .Tenestemålet til embetet er nynorsk.Offentleg søkjarliste blir utarbeidd etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.Kontaktpersoner for stillingenØrjan MoldestadSeniorrådgjevar+4755572103Kopier telefonnummerKopier e-postadresseAnne Marte Sæleass. seksjonsleiar+4755572176Kopier telefonnummerKopier e-postadresseLinda Svoriseksjonsleiar/ ass.fylkeslege+4793286442Kopier telefonnummerKopier e-postadresseOm bedriftenStatsforvaltaren har eit heilskapsansvar for all statleg verksemd i fylket, og skal følgje opp vedtak, mål og retningslinjer frå stortinget og regjeringa. Vi skal dessutan fremje fylket sine interesser, og kan dermed ta initiativ både lokalt og overfor sentrale styringsmakter.Statsforvaltaren kjenner kommunane, og er i kontakt med mange enkeltmenneske i ulike situasjonar og livsfasar.Vi jobbar heile tida for at omverda skal oppleve Statsforvaltaren som tilgjengeleg, nær og løysingsorientert.Statsforvaltaren i Vestland er ein spennande arbeidsplass med seks avdelingar og kring 280 tilsette. Vi har delt lokalisering mellom Leikanger, Bergen og Førde - med hovudsete i Leikanger.SektorOffentligNettsted