Sjukepleiar - 100% fast

Vinje, Vestfold og Telemark
Fast
Fulltid

45 minutter siden

Om stillingaYnskjer du å vera ein del av framtidas eldreomsorg? Me søkjer etter ein dedikert og ansvarsbevisst sjukepleiar som vil vera med på å utvikle dagens og framtidas sjukeheimsteneste til bebuarane våre på Vinje sjukeheim.Er du ein person som likar varierte oppgåver og har lyst til å jobbe på sjukeheim, håpar me du søkjer hjå oss!Sjukeheimen består av:

Korttid/rehabilitering: 9 plassar, der 2 av plassane er KAD-plassar
Avdeling tilpassa personar med demens: 13 plassar, fordelt på to grupper
Somatisk langtidsavdeling: 12 plassar

Vinje sjukeheim ynskjer å ha større fokus på å ivareta kvar enkelt bebuar sine interesser og behov. Me er opptatt av å ivareta pårørande som ein viktig ressurs for bebuarane, og deltek for tida i eit prosjekt knytt til heilskapleg pårørandestøtte. Som sjukepleiar hjå oss er du ein del av eit tverrfagleg team, som saman jobbar mot det beste for kvar enkelt bebuar.Frå januar 2025 nyttar me årsturnus, slik at du som tilsett har større moglegheit til å påverke din eigen turnus, og for å planleggje fritida for heile året.NøkkelinformasjonSøknadsfrist:18.09.2025Arbeidsgivar:Vinje kommuneStad:VinjeStillingstittel:Sjukepleiar - 100% fastStillingar:1Heiltid / Deltid:HeiltidTilsetjingsform:FastStillingsprosent:100Webcruiter-ID:5011732995Sosial deling :Arbeidsoppgåver

Sjukepleiaroppgåver, både administrative og prosedyrer i direkte kontakt med bebuarar
Rettleie og gje opplæring til kollegarer, bebuarar og deira pårørande
Oppfylging av KAD-plassar, som er kommunale ø-hjelpsplassar
Samtaler og tett kontakt med pårørande
Dokumentasjon - tiltaksplanar og oppfylging
Utvida administrativt ansvar ved fråvær av leiar (kveld/natt/helg)

Kvalifikasjonar

Norsk autorisasjon som sjukepleiar
Har du vidareutdanning innanfor geriatri, demens eller palliasjon er dette ein fordel, men dette er ikkje eit krav
Gode norskferdigheiter, både munnleg og skriftleg

Lovkrav om politiattest (ikkje eldre enn 3 månadar)

Personlege eigenskapar

Du har eit smil på lur, ei dose humor og ei vilje til å sjå moglegheiter framfor begrensingar
Du har fagleg fokus og eit stort hjarte for eldreomsorg
Du er fleksibel, engasjert og klar for ein spanande jobb
Du trivst med ansvar og er trygg på deg sjølv - både som menneske, sjukepleiar og kollega
Du jobbar sjølvstendig, men trivst også i team

Du har god gjennomføringsevne, er fleksibel og endringsvillig
Du held deg fagleg oppdatert på gjeldande prosedyrer
Du har gode kommunikasjons- og samarbeidsevner

Personlege eigenskapar blir lagt vekt på ved tilsetjing. Me oppmodar nyutdanna til å søkje.Me tilbyr

Ein god arbeidsplass med engasjerte medarbeidarar som har fagleg fokus på pasientane og som yter det vesle ekstra
ABC-kurs innanfor ulike geriatriske tema
Det blir gjeve støtte til utdanning innanfor demensomsorg
Dersom du ikkje ynskjer fast stilling er du velkomen til å søkje likevel, me har også behov for tilkallingsvikarar
God forsikrings- og pensjonsordning
Aktivitetskortordning med gåvekort, og mogelegheit for å vinne flotte premiar

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.
I samsvar med offentleglova § 25 kan namn på søkjarane offentleggjerast.Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.Adresse: Vinjevegen 212, 3890 Vinje, NorgeKontaktinformasjonHanne Kristin FinkenhagenAvselingsleiar langtidsavdelingaOm arbeidsgivarenVinje sjukeheim har eit godt tverrfagleg team rundt seg, i samarbeid med ergoterapeut, fysioterapeut, demenskontakt, kjøkkenassistentar og frivillige. Me har ei god samansetning av godt erfarne pleiarar, og yngre og nyutdanna krefter.Langtidsavdelinga på sjukeheimen består av 25 sengeplassar fordelt på 3 grupper. 13 plassar er tilrettelagt for personar med kognitiv svikt og demens. Ei langtidsavdeling med 12 sengeplassar, der pasientane får pleie og stell gjennom heile døgnet. Det er legevisitt tre dagar i veka av fast tilsynslege.

Vinje kommune

Søk stillingen