Overlege, spesialist i psykiatri

Bergen, Vestland
Fast
Fulltid

7 dager siden

Om stillingaVil du bli med og forme eit nytt spesialisert behandlingstilbod?Vi etablerer no eit nytt dagbehandlingstilbod for ungdom og unge vaksne (12-23 år) med alvorlege spiseforstyrringar, og søker etter overlege, spesialist i psykiatri som vil vere med i dette utviklingsarbeidet. Dageininga er eit samarbeid mellom Klinikk psykisk helsevern for barn og unge og Psykiatrisk klinikk, begge i Divisjon psykisk helsevern. Tilbodet er ein del av spesialisthelsetenesta og rettar seg mot pasientar som allereie er i behandling, men som i ein kortare periode har behov for intensiv dagbehandling i eit strukturert og spesialisert miljø.Dagbehandlingstilbodet bygger på prinsipp i to ulike kunnskapsbaserte metodar: CBT-E (kognitiv åtferdsterapi for spiseforstyrringar) og FBT (familiebasert terapi). Behandlinga er tverrfagleg, strukturert og intensiv, og omfattar mellom anna måltidsstøtte, familiesamarbeid og samarbeid med lokalt behandingsteam.Som overlege vil du ha behandlingsansvar for pasientgruppa mellom 16 og 23 år, og du vil ha ei viktig rolle i utvikling av behandlingstilbodet i tett samarbeid med teamkoordinator og det tverrfaglege behandlingsteamet. Avdelingssjef ved Regional avdeling spiseforstyrringar vil vere din nermaste leiar.Regional avdeling spiseforstyrringar er eit av dei leiande fagmiljøa innan spiseforstyrringar i Noreg og har ansvar for opptaksområdet i Helse Vest. Dagbehandlingstilbodet skal tilby behandling til pasientar frå opptaksområdet Helse Bergen.Vil du vere med å utforme eit nytt tilbod innan eit utfordrande og spennede fagfelt, oppfordrar vi deg til å søke!NøkkelinformasjonSøknadsfrist:28.09.2025Arbeidsgivar:Helse Bergen HFStillingstittel:OverlegeStillingar:1Tilsetjingsform:FastStillingsprosent:100Webcruiter-ID:4992403891Sosial deling :Arbeidsoppgåver

Behandlingsansvar for pasientar i dagtilbodet
Klinisk arbeid med pasientar individuelt og i familie
Rettleiing og støtte til tverrfaglege kollegaer
Kvalitetssikring og evaluering av tilbodet
Tverrfagleg samarbeid internt i teamet og med eksterne samarbeidspartnarar
Bidra til fagleg utvikling av behandlingstilbodet

Kvalifikasjoner

Spesialist i psykiatri
Det er i tillegg ønskeleg med spesialitet innan barne- og ungdomspsykiatri
Vi er opne for søkarar som nærmar seg godkjenning som spesialist

Det er ein fordel med erfaring frå behandling av pasientar med spiseforstyrringar
Søker må mestre norsk både munnleg og skriftleg
Norsk autorisasjon

Personlege eigenskapar

Du har engasjement for ungdom med alvorlege psykiske lidingar
Du er strukturert, trygg og tydeleg i møte med pasientar, pårørande og kollegaer
Du trivst med å jobbe både sjølvstendig og i team
Du er utviklingsorientert og har lyst å vere med å forme noko nytt
Vi legg vekt på at søker er personleg eigna

Vi tilbyr

Ei unik moglegheit til å vere med frå oppstarten av eit nytt og spesialisert behandlingstilbod

Eit tverrfagleg og kompetent arbeidsmiljø med høgt fagleg engasjement
Tilrettelegging for vidareutvikling innan FBT og CBT-E
Moglegheit for å delta i forsking og fagutvikling inkludert deltaking i internasjonalt samarbeid på fagfeltet
Rettleiing, fagleg støtte og samarbeid med erfarne kollegaer og leiing
Løn etter avtale og gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.Adresse: Haukelandsveien 22, 5021 Bergen, NorgeKontaktinformasjonSigne HaugenAvdelingssjefE-post: signe.haugen@helse-bergen.noOm arbeidsgivarenHelse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Helse Bergen

Søk stillingen