Tilkallingsvikar helsesekretær

Larsnes, Møre og Romsdal
Midlertidlig
Fulltid

7 dager siden

ArbeidsoppgåverSom tilkallingsvikar vil du arbeide både i resepsjon og på laboratoriet. Du tek imot pasientar, svarar på telefon, handterer elektronisk kommunikasjon, reseptbestillingar og bestilling av tolke- og transporttenester. I laboratoriet utfører du mellom anna prøvetaking, øyreskylling, EKG, injeksjonar, vaksinering, samt pakking og sterilisering av utstyr. Du kan også bistå legane i skadestova med små kirurgiske inngrep, sårstell, spirometri, 24-timars blodtrykksmåling og førebuing av utstyr.KvalifikasjonarVi ønskjer at du har helsefagleg utdanning, men relevant erfaring kan òg bli vurdert. Du må ha gode datakunnskapar og kunne bruke fagprogram, samt ha god skriftleg og munnleg framstillingsevne på norsk.Det vert stilt krav om tilfredsstillande politiattest før oppstart.Personlege eigenskaparDu må

vere serviceinnstilt og ha interesse for å arbeide med menneske
vere påliteleg og sjølvstendig
samarbeide godt med andre
ha lyst til å lære og vere fleksibel
medverke til eit godt arbeidsmiljø

Vi tilbyr

ein spennande og utviklande jobb
eit triveleg arbeidsmiljø
læring og erfaring
tilsetjing i samsvar med gjeldande lover, reglement og tariffavtale
studentar i relevant utdanningsløp får tillegg i løn

Adresse: Prestegardsvegen 31, 6084 LARSNES, NorgeKontaktinformasjonWenche Brit ThorsethEiningsleiarOm arbeidsgivarenSande kommune er ein kystkommune i Møre og Romsdal med ca. 2500 innbyggarar. Sandesamfunnet inngår i ein felles bu- og arbeidsregion for Søre Sunnmøre med om lag 50.000 innbyggarar. Innanfor ei reisetid på 30-45 min. har ein tilgang til det ein treng av arbeid, til sjukehus, høgskule, flyplass, handel og opplevingar. Kommunen har eit variert og innovativt næringsliv, med hovudvekt på næringar knytt til den verdsleiande maritime klynga på Sunnmøre. Alt dette med utgangspunkt i unike naturmessige omgjevnader, i oversiktlege og trygge miljø med plass til alle.

Sande kommune

Søk stillingen