Spesialist i allmennmedisin / ALIS - 2. gongs utlysing

AURLAND LEGEKONTOR

  • Aurland, Vestland
  • Fast
  • Deltid
  • 15 timer siden
Fast stilling som fastlege med god arbeidstidsordningAurland kommune har ledig fast 75,00 % stilling som fastlege ved etablert legekontor, med oppstart i stillinga etter nærare avtale.Me kan tilby tilpassa arbeidstidsordning, der lege har vekselvise arbeidsbolkar med fire veker på, og fire veker arbeidsfri, og ubunden administrasjonstid.Først og fremst ønsker me spesialist i allmennmedisin, men lege under spesialisering (ALIS) kan også søke.Me kan tilby tilpassa arbeidstidsordning, der du som vikar vil ha vekselvise arbeidsbolkar med fire veker klinisk praksis ved legekontoret, fire veker arbeidsfri, og 10% ubunden administrasjonstid. Ferie er rekna som 7,5% av stillinga, og skal avviklast i samband med friperioden.Stillinga er knytt til Aurland legekontor, som i dag har tre fast tilsette legar i alternativ arbeidstidsordning, LIS1-lege og kommuneoverlege. Kommuneoverlegen er spesialist i samfunnsmedisin. Legekontoret er godt bemanna med helsesekretær, fagarbeidar og sjukepleiar.Me nyttar journalsystemet Infodoc. Legekontoret er lokalisert i Fjordsenteret, og ligg fint til ved Aurlandsfjorden. Som lege hjå oss får du ta del i, og bidra til, utvikling av legetenesta og samhandlinga internt i kommunen. Som legespesialist vil du ha ansvar for rettleiingsoppgåver, og spanande utviklingsoppgåver.Arbeids- og ansvarsområde
  • Listetak etter avtale, per i dag er lista på 400 pasientar
  • Det er knytta allmennmedisinske offentlege oppgåver til stillinga, som sjukeheim eller helsestasjon
  • Deltaking i interkommunalt 12 - delt legevaktsamarbeid for kommunane Aurland, Årdal og Lærdal, totalt ca 9500 innbyggjarar, samlokalisert med legevaktsentral og KAD ved Lærdal sjukehus. Vaktordning med fast timeløn etter lokal avtale og fri etter vakt.
  • Legespesialist vil bidra med rettleiingsoppgåver
Me tilbyr
  • Fokus på fagutvikling, med internundervisning kvar veke
  • Fri med løn til kurs inntil 4 veker pr. år. Kommunen dekker kursutgifter som ikkje blir dekka av utdanningsfond II
  • ALIS vil få tildelt rettleiar, og me vil saman utarbeide og følge opp utdanningsplanen din. Rettleiing og supervisjon vil skje ved Aurland legekontor
  • Kultur for ad-hoc rådgiving på heile legekontoret
  • Samlokalisering og godt samarbeid med andre kommunale helsetenester
  • Tilbod om tilpassa arbeidstidsordning
  • Ei utfordrande stilling med moglegheit for utvikling og fagleg påverknad
  • Bli ein del av ein triveleg arbeidsplass der arbeidsmiljø står i sentrum
  • Gode pensjons- og forsikringsordningar
  • Løn etter avtale
  • Gratis inngang til trimrom og symjebasseng i Aurlandshallen (mellombels velferdstiltak)
  • Kommunal bustad
  • eventuell informasjon om ledige stillingar til partar, samt moglegheit for utlån av kontorfasilitetar (kontorhub)
  • barnehageplass, for søknadsfrist og informasjon sjå her:
Sjå gjerne informasjonsbrosjyre om kommunen vårVideo:Kvalifikasjonar
  • Offentleg godkjend lege med norsk autorisasjon
  • Akuttmedisinsk kompetanse for legevakt
  • Gode norskkunnskapar, både munnleg og skriftleg
  • Førarkort klasse B
Løns- og tilsetjingsvilkår
  • tilsetting, løn og arbeidsvilkår er i samsvar med gjeldande lover, reglement og tariffavtale
  • godkjend politiattest etter helsepersonellova før du byrjar i stillinga
Krav til språkDu må kommunisere godt på norsk, både munnleg og skriftleg. Aurland kommune nyttar nynorsk som målform.Generell informasjonAurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg.Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengande yrkeskarriere.NB! Vi overfører nytilsette direkte til lønsystemet vårt, det er difor veldig viktig at du skriv namnet ditt slik det er registrert i folkeregisteret når du søker stilling, samt at du skriv med stor forbokstav.Me ønsker deg velkomen som arbeidssøkar i Aurland kommune.Kontaktpersoner for stillingenFrøydis Gullbråkommuneoverlege+4790959808Kopier telefonnummerKopier e-postadresseJoachim Bendiksen HagenStabsleiar helse og omsorg+4795984651Kopier telefonnummerKopier e-postadresseOm bedriftenAurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vere Noreg si fremste kommune på heilårsturisme, og har eit mangfaldig næringsliv i vekst. Me er om lag 1 860 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes kino, basseng, kulturskule, klatring, handball, fotball, friidrett og boksing.Aurland er ei naturperle og ideelt for fjellturar, jakt og fiske. Nærøyfjorden og Aurlandsfjorden er på UNESCO si verdsarvliste for det spektakulære fjell- og fjordlandskapet. Det er kort veg til Myrkdalen, Vatnahalsen, Sogndal og Hemsedal om du likar å gå langrenn eller vil i slalåmbakken. Vil du nyte god mat, har me restaurant, kafé, bryggeri, og bakeri.SektorOffentligNettsted

AURLAND LEGEKONTOR