Leiar for Norsk senter for maritim medisin og dykkemedisin

Helse Bergen HF, Yrkesmedisinsk avdeling

Bergen, Vestland
Fast
Fulltid

2 dager siden

Om stillingaBli med å utvikle verdas beste helsetilbod til sjøs!Norsk senter for maritim- og dykkemedisin (NSMDM) søkjer ny leiar. Senteret er eit nasjonalt kompetansesenter med 15 tilsette, og har eit unikt mandat: å ivareta helsa til sjøfolk og dykkarar - i Noreg og internasjonalt. Senteret er ein seksjon i Yrkesmedisinsk avdeling.NSMDM har fokus på arbeidsmedisin for sjøfolk og dykkarar. Det har sitt mandat frå Stortingsproposisjon 1, 2004-2005, og er eit nasjonalt senter som dekkjer alle helseregionar og representerer Noreg internasjonalt innan fagområdet.I samsvar med dette mandatet, skal senteret

Samle og formidla kunnskap om maritim medisin til reiarar, fartøy, styresmakter og andre brukarar
Initiere og drive forsking
Registrere førekomst av sjukdom og ulukker til sjøs
Gje undervisingsstøtte
Vere kontaktpunkt for internasjonalt samarbeid på feltet
Drive Radio Medico Norway

Våre aktivitetar inkluderer:

Undervisning og kursing av legar og medisinstudentar
Seleksjonsmedisinske utgreiingar av sjøfolk og dykkarar
Utvikling av medisinske læremiddel for sjøfolk
Basalmedisinsk og registerbasert forsking
Innovasjon (av teknologiske løsninger for sjøfolk)
Saksutgreiing i Fagnemnd for helsesaker i Sjøfartsdirektoratet og klageinstansen for loser og losaspiranter i Kystverket
Rådgjeving og saksutgreiingar til styresmaktertelemedisinsk/klinisk rådgjeving til fartøy og petroleumsinstallasjonar ("Radio Medico - legevakta til sjøs")
Internasjonalt samarbeid

Vi samhandlar med Hovedredningssentralen, Sjøforsvaret, UiB, maritime arbeidstakerorganisasjoner og privat næringsliv for å løyse senteret sine ulike oppdrag. Vegleiing og tilsyn med sjømannslegar i samarbeid med Sjøfartsdirektoratet er ei viktig oppgåve.Senteret er inne i ein stabil fase etter sterk vekst, og no treng vi ein leiar som vil forvalte og vidareutvikle det vi har bygd opp.Kva vi ser etter
Vi ønskjer ein leiar som trivst i skjeringspunktet mellom fag, folk og forvaltning. Du er lege med klinisk erfaring og du meistrar helsebyråkratiet - møte, rapportar, styringslinjer og alt det inneber.Viktigast av alt: du er god med menneska dine og får det beste ut av teamet ditt og skaper eit arbeidsmiljø folk trivst i.NøkkelinformasjonSøknadsfrist:SnarastArbeidsgivar:Helse Bergen HFStad:BERGENStillingar:1Tilsetjingsform:FastStillingsprosent:100Webcruiter-ID:5091297716Sosial deling :Arbeidsoppgåver

Leie og utvikle eit tverrfagleg team på 15 tilsette, med ansvar for dagleg drift, personal og arbeidsmiljø
Strategisk og fagleg ansvar for senterets kjerneverksemd
Representere senteret overfor nasjonale styresmakter, internasjonale organisasjonar (t.d. IMO, ILO) og samarbeidspartnarar i inn- og utland
Sikre fagleg kvalitet og oppdatert kompetanse i tråd med nasjonale og internasjonale krav og retningsliner
Bidra til og leie forskings- og utviklingsprosjekt innanfor maritim- og dykkemedisin
Forvalte senterets budsjett og ressursar i samarbeid med Yrkesmedisinsk avdeling
Medlem av leiargruppa i Yrkesmedisinsk avdeling og medansvar for utviklinga av avdelinga
Utarbeide rapportar, høyringssvar og fagleg rettleiing til myndigheiter og eksterne Samarbeidspartnarar
Vidareutvikle kurs- og utdanningstilbodet retta mot sjøfolk, dykkarar og helsepersonell

Kvalifikasjonar

Solid forståing av helseforvaltninga, herunder lovverk, styringslinjer og nasjonale føringar
Lege (cand.med.), gjerne med ph.d. eller tilsvarande forskingserfaring
Leiarerfaring, fortrinnsvis frå helsesektoren
Høg kompetanse og erfaring frå medisinsk seleksjon tel positivt
Erfaring frå maritim sektor, t.d. som sjøfartslege og petroleumslege tel positivt, likeeins anna klinisk bakgrunn eller beredskapserfaring
Sterk skriftleg og munnleg framstillingsevne på norsk og engelsk
Evne til å representere senteret eksternt - nasjonalt og internasjonalt

Personlege eigenskapar

Tydeleg og tillitsskapande leiar som motiverer og engasjerer medarbeidarar
Strukturert og løysingsorientert, med evne til å handtere mange parallelle oppgåver
God til å byggje og vedlikehalde relasjonar - internt i teamet og eksternt mot partnarar og styresmakter
Sjølvstendig og initiativrik, men med god forståing for rolla si i ein større organisasjon
Diplomatisk og kultursensitiv i internasjonalt samarbeid
Roleg og trygg i rolla, også under press eller i krevjande situasjonar

Vi tilbyr

Spennande arbeid og oppgåver i eit aktivt og innovativt tverrfagleg miljø
Konkurransedyktig løn
Deltaking i Radio Medicovakten kan diskuterast
Eit godt arbeidsmiljø
Sympatiske medarbeidarar som heiar på kvarandre
Spørsmål? Ta kontakt for ein uforpliktande samtale.

Besøk nettsida vår for meir informasjon -Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.Adresse: Haukelansveien 22, 5021 BERGEN, NorgeKlikk for å leggje til kartKontaktinformasjonAlf Henrik AndreassenDirektørE-post: alf.henrik.andreassen@helse-bergen.noOm arbeidsgivarenHelse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Helse Bergen HF, Yrkesmedisinsk avdeling

Søk stillingen