Pedagogisk-psykologisk rådgjevar

Bryne, Rogaland
Midlertidlig
Fulltid

9 dager siden

Time PPT søker pedagogisk-psykologisk rådgjevar i 70 % stilling, 50 % fast og 20 % vikariatTime PPT er lokalisert i Morenefaret på Bryne, og hos oss får du arbeida saman med PP-rådgjevarar med utdanning innan pedagogikk, spesialpedagogikk, logopedi, psykologi og medborgarskap og samhandling. Me har nå ledig 50 % fast stilling og 20 % vikariat over to år. I Time PPT har me eit godt fagleg og sosialt miljø som er inkluderande og støttande. Du blir ein del av eit arbeidsmiljø med høg grad av trivsel og stort spenn i erfaring og fagleg bakgrunn.PPT samarbeider med og hjelper barnehagar og skular med å gje eit inkluderande opplæringstilbod til barn og unge med behov for tilrettelegging. PPT har fokus på å arbeida førebyggjande og med tidleg innsats. Me støttar barnehagar og skular med kompetanse- og organisasjonsutvikling og utarbeidar sakkunnige vurderingar av barn, unge og vaksne med behov for individuell tilrettelegging.NøkkelinformasjonSøknadsfrist:28.04.2026Arbeidsgivar:Time kommuneStad:BryneStillingstittel:Pedagogisk-psykologisk rådgjevarStillingar:2Heiltid / Deltid:DeltidTilsetjingsform:Fast, VikarStillingsprosent:50, 20Webcruiter-ID:5100501200Sosial deling :ArbeidsoppgåverSom pedagogisk-psykologisk rådgjevar i Time PPT vil du få arbeida både med individ- og systemarbeid. Stillinga inneber utgreiingsarbeid, rettleiing/rådgjeving, tverrfagleg samarbeid på individ- og systemnivå, foreldresamarbeid, sakkunnig arbeid og kompetanse- og organisasjonsutvikling.Kvalifikasjonar

Hovudfag/mastergrad innan relevant fagfelt (spesialpedagogikk, pedagogikk, psykologi, medborgarskap og samhandling)
Erfaring frå PPT er ynskjeleg
Erfaring frå skule og/eller barnehage er ynskjeleg
Test- og utgreiingskompetanse er ynskjeleg
Rådgjevings- og rettleiingskompetanse er ynskjeleg

Personlege eigenskapar

Gode kommunikasjons- og samarbeidsevner, både internt og eksternt
Kunne bidra positivt i jobbfellesskapet
Evne til å arbeida sjølvstendig, strukturert og målretta
Like utfordringar og visa engasjement
Evne til fleksibilitet og nytenking i ein organisasjon i utvikling
Evne til å ta ansvar for eigen utvikling og kompetanseheving

Det krevst gode norskkunnskapar, og både skriftleg og munnleg framstillingsevne vil bli vektlagd

Personlege eigenskapar vil bli vektlagd i tilsettingsprosessen.Me tilbyr

Ein spennande, variert og fagleg utfordrande arbeidsplass i eit godt arbeidsmiljø
Høve til fagleg utvikling
Stor grad av sjølvstende
Fleksitidsordning
Gode pensjonsordningar
Løn etter tariff

Det må visast politiattest før ein kan tiltre i stillinga.Den som blir tilsett i stillinga må ha førarkort klasse B.Adresse: Morenefaret 1, 4340 Bryne, NorgeKontaktinformasjonSilje Helland SotnakkVerksemdleiar PPTE-post: silje.helland.sotnakk@time.kommune.noOm arbeidsgivaren"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.

Time kommune

Søk stillingen