Økonomisjef

SYKKYLVEN KOMMUNE SENTRALADMINISTRASJON

Sykkylven, Møre og Romsdal
Fast
Fulltid

7 dager siden

Som økonomisjef i Sykkylven kommune vil du leie ei kompetent og engasjert avdeling. Du vil få moglegheit til å samarbeide tett med kommuneleiinga og øvrige tenesteområde for å sikre ei effektiv og heilheitleg økonomistyring. Er du ein inspirerande leiar med gode samarbeidsevner og ei strategisk tilnærming?Vi søkjar no etter ein handlekraftig og samfunnsengasjert økonomisjef som vil vere med på den vidare veksta i kommunen, og bidra til at kommunen lykkast med sine mål.Som økonomisjef er du ein del av kommunedirektøren si samla leiargruppe, og har ei viktig rolle inn i kommunen si strategiske og økonomiske utvikling. Økonomisjefen rapporterar til kommunedirektør, og er ein viktig sparringspartnar for kommunedirektør, einingsleiarar og anna nøkkelpersonell.ArbeidsoppgåverØkonomisjefen har personal- og resultatansvar for fagområda rekneskap, innkjøp, eigedomsskatt og budsjett. Det er samla 4,5 tilsette på avdelinga.Du vil i samarbeid med kommunedirektøren ha ansvaret for å legge til rette for god økonomisk planlegging, verksemdstyring og rapportering for kommunen, i tillegg til blant anna følgjande oppgåver;

Leie og vidareutvikle fagområda innan rekneskap, innkjøp og budsjett

Vere ein pådrivar for oppfylling av kommunen sine målsettingar saman med resten av kommuneleiinga

Ansvar for heilheitleg verksemdstyring og internkontroll i kommunen, i samarbeid med resten av kommuneleiinga

Bidra med politisk saksutgreiing, og sikre iverksetting og gjennomføring av politiske vedtak

Bidra til samarbeid og samhandling på tvers av kommunen sine tenesteområde

Det kan komme endring i ansvar og oppgåver.Kvalifikasjonar

Relevant utdanning på masternivå, eventuelt kan lang relevant erfaring i tillegg til bachelorutdanning kompensere for kravet om mastergrad

God erfaring med økonomiske IT-system, og god forståing for digitalisering og teknologi

Strategisk og operativ innsikt i økonomiarbeid, inkludert god forståing for regelverket innan fagområdet

God rolleforståing og forståing for skjæringspunktet politikk/administrasjon

God skriftleg og munnleg framstillingsevne på norsk/nynorsk

Det er i tillegg ønskeleg med kunnskap om økonomireglementet for kommuner og erfaring fra kommunal sektor eller annan offentleg verksemd. Solid erfaring fra privat sektor og god forståing for offentleg sektor vil også bli vurdert.Personlege eigenskaparVi leitar etter deg som tek initiativ og finn løysingar i samarbeid med andre, samtidig som du også er uredd og har stor gjennomføringskraft.
Følgande personlege eigenskapar vil bli vektlagt:

Svært gode kommunikasjons - og samarbeidsferdigheiter, er truverdig og skapar tillit

God gjennomføringskraft og beslutningsevne

Tek ansvar og utøver leiing basert på tillit, openheit, respekt og tydelegheit

Har heilskapsforståing, evne til nytenkning og strategisk arbeid samtidig med fokus på totaloversikt og økonomisk utvikling i ei kommune

Søkjer moglegheiter for tverrfagleg samarbeid, forankrar og finn gode løysingar

Er analytisk, strukturert og vert driven av å skape gode resultat for kommunen som heilheit

Personlege eigenskapar vil bli tillagt stor vekt.Vi tilbyr

Eit spanande og utviklande arbeidsfellesskap med kompetente og engasjerte medarbeidarar

Lønn etter avtale, og gode pensjons- og forsikringsordningar i KLP

Stillinga er unnateke arbeidstidsbestemmingane og har 10 ekstra fridagar som kompensasjon

Offentlegheit
Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd.Kontaktinformasjon Torbjørn Emblem, Kommunedirektør, 46405610,Arbeidsstad Kyrkjevegen 62
6230 SYKKYLVENNøkkelinformasjon: Arbeidsgivar: Sykkylven kommuneReferansenr.: 5009037150
Stillingsprosent: 100%
Fast
Søknadsfrist: 17.09.2025Kontaktperson for stillingenTorbjørn EmblemKommunedirektør46405610Kopier telefonnummerKopier e-postadresseOm bedriftenSykkylven ligg sentralt i hjartet av Sunnmørsalpane og har ca. 7 630 innbyggjarar. Sykkylven har eit godt utbygd barnehage- og utdanningstilbod med vidaregåande skule, eit breitt og aktivt idretts- og kulturliv og eit framgangsrikt næringsliv. Kommunen og kommuneorganisasjonen set fokus på å vere opne, innovative og venlege i all framferd og planlegging, med ei solid forankring i kommunen si rike historie og gode tradisjonar. Skaparglede er kommunen sin visjon.Sykkylven er i Randersboka skildra som kanskje den finaste av alle sunnmørske kommuner. Vi har eit fantastiske turterreng for allsidig friluftsliv alle årstider, og vi har eit rikt og variert kulturliv.
Sjå meir frå SykkylvenSektorOffentligNettsted

SYKKYLVEN KOMMUNE SENTRALADMINISTRASJON

Søk stillingen