Kommunikasjonsrådgjevar

Nordland fylkeskommune Se alle jobber

Ålesund, Møre og Romsdal
Fast
Fulltid

1 dag siden

KommunikasjonsrådgjevarHar du lyst på ein spanande kommunikasjonsjobb?Om stillingaEin av våre rådgjevarar skal vidare til nye utfordringar. Derfor ser vi etter deg som har lyst til å bli ein del av kommunikasjonsstaben i politidistriktet vårt i fast stilling.Har du lyst til å samarbeide med mange ulike fagområde?
Du vil få ei viktig rolle knytt til kommunikasjonsarbeidet i politiet i den vesle kommunikasjonsstaben vår. Det er ei bratt læringskurve hos oss. Derfor treng vi deg som tek ansvar. Vi er flinke til å spele kvarandre gode for å løyse samfunnsoppdraget vårt på best mogleg måte. Vi som jobbar med kommunikasjon i politiet er tett på politikvardagen taktisk, operasjonelt og strategisk. Vi må vere gode på å sjå heilskapen, trygge, rettleie og byggje tillit. Vi må også vere modige og tenkje nytt for å kunne nå innbyggjarane våre på ein best mogleg måte.Vil du bli ein del av eit større nettverk?
Vi samarbeider tett med kommunikasjonsnettverket i dei andre politidistrikta, dei andre særorgana i politiet og Politidirektoratet. Du får vere med på å utvikle kommunikasjonsarbeidet både regionalt og nasjonalt.Har du lyst til å planlegge din eigen arbeidskvardag?
Du får kontorplass på politihuset i Ålesund, med fleksibel arbeidstid og moglegheit for trening i arbeidstida. Kommunikasjonsarbeidet vårt femner om heile politidistriktet, så litt reising mellom fjordar og fjell vert det naturlegvis, men det planlegg du oftast utifrå kva som passar best for deg og din kvardag.Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.Dette ser vi etter hos ein ny medarbeidarArbeidsoppgåver

bidra til å styrke kommunikasjonskompetansen i politidistriktet, både internt og eksternt, og gi strategiske og faglege råd til kollegaer og leiarar
finne dei gode historiene frå politikvardagen og formidle dei gjennom tekst, bilete, grafikk og/eller video i dei kanalane politiet nyttar, både internt og eksternt
samarbeide med Nettpatruljen knytt til innhaldsproduksjon og vere med å utvikle kanalane våre
utarbeide og sørgje for at organisasjonen tek i bruk ulike kommunikasjonsplanar og strategiar
handtere førespurnader frå media raskt og effektivt
bruke kommunikasjon aktivt, raskt og strategisk når det krevst
bidra til gjennomføring av medietrening av tilsette i politidistriktet
andre oppgåver kan bli lagt til stillinga ved behov

KvalifikasjonarDette må du ha for å vere kvalifisert:

høgare utdanning innan kommunikasjon, journalistikk, samfunnsvitskap eller andre relevante fagområde. Minimum bachelor-nivå. Lang arbeidserfaring innanfor kommunikasjon eller journalistikk kan kompensere for kravet i særskilde tilfelle.
for å bli vurdert som seniorrådgjevar er det krav til utdanning på masternivå innan kommunikasjonsrelevante fag. Relevant bachelor og minimum fem års erfaring frå kommunikasjonsfag/journalistikk kan kompensere for krav om mastergrad.
god digital kompetanse og erfaring med innhaldsproduksjon til ulike kanalar
erfaring med kommunikasjonsarbeid eller journalistikk
god munnleg og skriftleg framstillingsevne på nynorsk, bokmål og engelsk.
førarkort klasse B

Det er også ønskjeleg med

god erfaring med intern-, ekstern- og krisekommunikasjon
erfaring frå pressehandtering
erfaring med strategisk kommunikasjonsarbeid
erfaring frå innhaldsproduksjon og med ulike publiseringsløysingar internt og eksternt, innhald i form av bilete, video eller grafisk utforming til sosiale medium
dokumentere gode ferdigheiter med Adobe Premiere, Photoshop, Indesign eller andre relevante verktøy

Du må ha plettfri vandel og vere skikka for teneste i politiet. Politiattest (uttømande og utvida) må du innhente ved eventuell tilsetjing, jfr. politiloven § 18 og politiregisterloven § 41. Ved søknad på stillinga må ein rekna med at det blir henta inn opplysninger frå enkelte av politiet sine register og system til bruk i vandels- og skikkavurderinga.Vi må kunne klarere deg for inntil HEMMELIG jf. sikkerhetsloven. For å kunne sikkerheitsklarere deg, må kandidatar vere villige til å gi personlege opplysinger om seg sjølv og sine nærmaste. Meir informasjon om dette gir vi løpet av tilsettingsprosessen.Personlege eigenskaparDette kan vi tilby om du vel oss

ein utfordrande og spanande arbeidsplass med eit viktig samfunnsoppdrag.
fast stilling i Møre og Romsdal politidistrikt. Stillinga er lønna som rådgjevar, SKO 1434, frå kroner 600 000 til kroner 700 000 brutto årslønn, eller som seniorrådgjevar SKO 1364, frå kroner 700 000 til kroner 750 000 brutto årslønn. For særskilt kvalifiserte kan høgere lønn vurderast
medlemskap i Statens pensjonskasse, med mellom anna gode pensjons- og forsikringsordningar (

). Det trekkast to prosent av lønna til SPK. * fleksibel arbeidstid

mogelegheit til trening i arbeidstida
tilknyting til bedriftshelsetjeneste og fordelar ved å tilhøyre ei IA-bedrift

Tilsetting skjer på vilkår fastsett i statsansatteloven og personalreglementet for politietaten. Prøvetida er seks månader.Slik søkjer duDu søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.Mangfald i politietDersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.Les meir om positiv særbehandling når ein søkjer jobb i staten .Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.Om politidistriktetMellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer med ei befolkning på om lag 270 000 menneske.Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Politidistriktet har også kontinentalsokkelberedskap frå Stad til Helgeland.Politidistriktet med om lag 650 tilsette, vert leia av politimeister Elin Drønnen som har hovudsete i Ålesund. Vi er organisert i to geografiske driftseiningar med til saman 18 politistasjonar og sommaråpen politistasjon i Geiranger. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.

Nordland fylkeskommune

Søk stillingen