Lærlingar - open utlysing

Ål, Viken
Fast
Fulltid

1 måned siden

Som lærling i Ål kommune får du gode moglegheiter for fast jobb etter enda læretid. Du får ein dyktig rettleiar som følgjer deg opp gjennom lærlingløpet ditt på to år, og du tener pengar allereie medan du tek utdanning. Du vil følgje utdanningsløp som er sett opp av fylkeskommunen, og bli følgd opp av OK Viken, som er opplæringskontoret for offentleg sektor i Buskerud.Ål kommune tek inn lærlingar i desse faga:

vegdrift- og vegvedlikehaldsfaget
aktivitørfaget
helsefagarbeidarfaget
barne- og ungdomsarbeidarfaget

Barne- og ungdomsarbeidarSom barne- og ungdomsarbeidar vil du planleggje og gjennomføre pedagogiske opplegg for barn og unge i alderen 0-18 år. Du vil jobbe med barn og unge både enkeltvis og i små og større grupper, og du skal kunne tilpasse opplegga etter ulike aldersgrupper, funksjonsnivå og livssituasjonar. Utdanninga kvalifiserer mellom anna til arbeid i barnehage, grunnskule, skulefritidsordning (SFO) og vidaregåande skule.For meir informasjon, ta kontakt med Sissel Skrindo.HelsefagarbeidarEin helsefagarbeidar utfører praktisk pleie, omsorg og miljøarbeid for dei som treng bistand. Viss du er glad i menneske og ønskjer å gjere ein skilnad i kvardagen til andre, har du moglegheit til det gjennom eit fagbrev i helsearbeidarfaget.For meir informasjon, ta kontakt med Borghild Moen.Kvalifikasjonar

du har bestått tverrfagleg eksamen på VG1 og VG2
som lærling i helse- og oppvekstfag må du ha gode norskkunnskapar, både munnlege og skriftlege
du må ha gyldig politiattest

I tillegg tek Ål kommune inn lærlingar med full opplæring i bedrift i helsefag. Det vil seie at:

søkjarar med VG1 kan bli vurderte
vaksne med erfaring frå helse- og omsorgssektoren kan bli vurderte
du kan vere i gang med modulbasert vaksenopplæring

Vi ønskjer deg som

er engasjert og initiativrik, og har eit sterkt ønskje om å lære
er motivert for å ta fagbrev
er strukturert og nøyaktig i arbeidet ditt
er serviceinnstilt og pliktoppfyllande
er nysgjerrig, fleksibel og løysingsorientert i møte med utfordringar
har lite fråvær og god arbeidskapasitet, noko som bidreg til kontinuitet i opplæringa di

Det blir lagt vekt på personlege eigenskapar.Slik søkjer duOrdinær frist er 1. mars kvart år. Søknad blir då sendt gjennom portalen vigo.no. Dersom du ønskjer å søkje etter 1. mars, kan du sende søknad direkte til Ål kommune. Etter fristen startar kommunen vurderinga av søkjarar og kallar aktuelle kandidatar inn til intervju.Me ser fram til å høyre frå deg!

Ål kommune

Søk stillingen