Barnehagelærar/pedagogisk leiar

HEROY KOMMUNE BARNEHAGEAVDELINGA ADMINISTRASJON

Fosnavåg, Møre og Romsdal
Fast
Fulltid

20 dager siden

Vi søker dyktige og engasjerte barnehagelærarar/pedagogiske leiarar til Herøy kommune. Her får du moglegheita til å vere ein viktig del av barna si utvikling der leik, læring og omsorg går hand i hand.Vi legg vekt på arbeid med trygt og inkluderande barnehagemiljø, i tillegg til alternativ og supplerande kommunikasjon (ASK).
Vi driv eit aktivt utviklingsarbeid. Med basis i nasjonal og lokal rammeplan legg vi særskilt vekt på språkutviklinga til barna, og ser dette i ein heilskapleg samanheng med lesing i grunnskulen.Vi har ledig ei 100 % fast stilling som barnehagelærar/pedagogisk leiar i for tida Leikanger barnehage. Vi ser fram til å motta søknaden din!Arbeidsoppgåver

leie og/eller ta del i arbeidet med å skape gode lærings- og arbeidsmiljø
legge til rette for eit godt samarbeid med foreldra og andre involverte partar i barnehagen
legge til rette for eit utviklande og inkluderande leikemiljø
leie og/eller ta del i pedagogisk utviklingsarbeid
skape gode kvardagar for små og store på di avdeling og heile barnehagen
tverrfagleg samarbeid

Kvalifikasjonar

godkjend utdanning som barnehagelærar eller førskulelærar, og gjerne rettleiingskompetanse
ein trygg og tydeleg leiar som inspirerer både barn og kollega
evne til å skape eit inkuderande og trygt miljø for alle
kunnskap om den autoritative vaksenrolla
kommuniserer godt på norsk, både munnleg og skriftleg
god digital kompetanse

For arbeid i barnehage er det krav om bestått norskprøve i tråd med føringar i Lov om barnehagar § 27.Kommunen har nynorsk som administrasjonsmål.
Godkjent politiattest av nyare dato må leggast fram før tilsetting.
Vi ber om at du lastar opp vitnemål og attestar i Webcruiter saman med søknaden.Personlege eigenskapar

er engasjert, målretta, fleksibel og lærevillig
tek initiativ til samspel og aktivitet overfor både barn og kollega
ser verdien av tverrfagleg samhandling
god på samhandling og kommunikasjon, i tillegg til at du meistrar å arbeide åleine
ser løysingar på utfordringar
oppteken av å skape ein god kvardag for barna

Vi legg vekt på personlege eigenskapar og referansar i tillegg til den formelle kompetansen og ansienniteten.Vi tilbyr

fagleg utvikling i eigen barnehage og felles i kommunen
eit støttande og positivt arbeidsmiljø
varierte og utfordrande arbeidsoppgåver
god oppfølging av nytilsette
god pensjons- og forsikringsordning gjennom KLP
IA-bedrift

Vi tilset på dei vilkåra som går fram av gjeldande tariffavtale, lover og reglement.
Aktuelle kandidatar vil verte kalla inn til intervju. Søkjarlista kan verte offentleggjort.Herøy kommune er i kommunegruppe 5. Dersom du bur og arbeider i kommunen, kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen.Kontaktinformasjon Elisabeth Warpe, Avdelingsleiar barnehage, +47 97942299Arbeidsstad Rådhusgata 7
6090 FosnavågNøkkelinformasjon: Arbeidsgivar: Herøy kommuneReferansenr.: 5000904302
Stillingsprosent: 100%
Fast
Søknadsfrist: 05.09.2025Kontaktperson for stillingenElisabeth WarpeAvdelingsleiar barnehage+47 97942299Kopier telefonnummerOm bedriftenHerøy kommune er perla ytst mot storhavet på Sunnmøre. Det er nær 9000 innbyggarar i Herøy. Arbeidsmarknaden i regionen er stor og variert. Herøy er spesielt kjent for å skape verdiar frå hav og fiske.Frå Fosnavåg, kommunesenteret vårt, tek det 45 minutt å køyre til Ørsta-Volda lufthamn. Til Ålesund kjem du deg på under halvannan time.Kommunen sin visjon er "ei båtlengd føre". Kjerneverdiane våre er respekt, tillit og samhandling. VI er om lag 750 tilsette i kommuneorganisasjonen.I Herøy har vi eit breitt kultur-, fritids- og idrettstilbod med festivalar og arrangment for alle. Naturen og kysten vår er vakker. Øya Runde, med det mektige fuglefjellet, er vi ekstra stolte av !SektorOffentligNettsted

HEROY KOMMUNE BARNEHAGEAVDELINGA ADMINISTRASJON

Søk stillingen