Kommunalsjef oppvekst og kultur

SANDEFJORD KOMMUNE SKOLE OG OPPVEKST ADMINISTASJON

Larsnes, Møre og Romsdal
Fast
Fulltid

15 dager siden

Vi ser etter deg som er ein strategisk og samlande toppleiar, som vil vere med å styrke og utvikle Sande kommune saman med dyktige og engasjerte medarbeidarar frå 1. januar 2026. Som medlem i kommunedirektøren si leiargruppe, vil du ha medansvar for samla drift og utvikling av heile organisasjonen i Sande kommune.Sande kommune har fokus på å levere gode tenester til innbyggarane. Vi søker ein toppleiar som har ambisjon om å skape det gode oppvekstmiljøet i lokalsamfunnet i lag med oss.ArbeidsoppgåverVi tilbyr ei spanande og utfordrande stilling, med stort ansvar og mynde. Du er oppteken av at vi skal levere tenester av god kvalitet innanfor vedtekne budsjettrammer. Dette løyser du på ein måte som gjer at våre tilsette opplever meistring gjennom involvering og bruk av eigen kompetanse. Kommunalsjefen har det overordna fag-, personal- og økonomiansvaret for sektoren. Du har ansvar for saksførebuing til politisk nivå og å følge opp politiske vedtak.Som kommunalsjef evnar du å leie ein organisasjon og sektor som stadig er i endring. Du er ein samlande, løysingsorientert og nytenkande leiar med gjennomføringskraft.Det er forventa at du som kommunalsjef har eit heilskapsfokus på arbeidet, og tek aktivt del i overordna kommunal planlegging og lokalsamfunnsutvikling. Du har eit aktivt forhold til samarbeid mellom kommunale og interkommunale einingar for å løyse dei utfordringane som ligg framfor oss. Tverrfagleg samarbeid er sentralt.Kvalifikasjonar

Søkjar må ha skulefagleg kompetanse, minimum bachelorgrad og vidareutdanning innan leiing
Kunnskap om relevant lovverk og forskrifter knytt til sektoren sine ansvarsområde
Kunnskap om budsjett og kostnadsstyring primært innan offentleg verksemd
Leiarerfaring der du har hatt sjølvstendig ansvar for fag, personal og økonomi
Gode skriftlege og munnlege framstillingsevner, i tillegg til relevant digital kompetanse
Søkjaren må meistre nynorsk, sidan det er kommunen sitt administrasjonsmål

Personlege eigenskaparVi ynskjer at du:

er ein sterk og tydeleg leiar som evner å gjennomføre endringar med fokus på god tenestekvalitet til innbyggarane gjennom samla innsats
skaper engasjement, er løysingsorientert og fleksibel
medverkar til eit godt arbeidsmiljø
medverkar til eit godt partssamarbeid
har høg arbeidskapasitet, evnar å arbeide sjølvstendig og å prioritere
har god formidlingsevne, også når problemstillingane er komplekse

Vi tilbyr

Løn etter avtale i høve kvalifikasjonar og kompetanse
Ein spanande jobb med allsidige oppgåver
Deltaking i intern leiarutvikling
Deltaking i interkommunalt nettverk
Høve til etter- og vidareutdanning og fagleg oppdatering
Gode pensjons- og forsikringsordningar

Stillinga er plassert i HTA kap. 3.4.1 Leiar Stillingskode:9440 KommunalsjefTilsetting i samsvar med gjeldande lov- forskrift og avtaleverk. Prøvetid i faste stillingar er 6 månader.Kontaktinformasjon Renathe Rossi Aglen, kommunedirektør, 94881303,Arbeidsstad Primær Fylkesveg 61
6084 LarsnesNøkkelinformasjon: Arbeidsgivar: Sande kommuneReferansenr.: 4986203634
Stillingsprosent: 100%
Fast
Søknadsfrist: 07.09.2025Kontaktperson for stillingenRenathe Rossi Aglenkommunedirektør94881303Kopier telefonnummerKopier e-postadresseOm bedriftenSande kommune er ein kystkommune i Møre og Romsdal med ca. 2500 innbyggarar. Sandesamfunnet inngår i ein felles bu- og arbeidsregion for Søre Sunnmøre med om lag 50.000 innbyggarar. Innanfor ei reisetid på 30-45 min. har ein tilgang til det ein treng av arbeid, til sjukehus, høgskule, flyplass, handel og opplevingar. Kommunen har eit variert og innovativt næringsliv, med hovudvekt på næringar knytt til den verdsleiande maritime klynga på Sunnmøre. Alt dette med utgangspunkt i unike naturmessige omgjevnader, i oversiktlege og trygge miljø med plass til alle.SektorOffentligNettsted

SANDEFJORD KOMMUNE SKOLE OG OPPVEKST ADMINISTASJON

Søk stillingen