Postdoktorstilling ved Universitetsmuseet i Bergen, Avdeling for kulturhistorie

Nordland fylkeskommune Se alle jobber

Bergen, Vestland
Midlertidlig
Fulltid

27 dager siden

Postdoktorstilling ved Universitetsmuseet i Bergen, Avdeling for kulturhistorieKunnskap som formar samfunnetUiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Om stillinga:Postdoktorstilling ved Universitetsmuseet i Bergen, Avdeling for kulturhistorieUniversitetsmuseet i Bergen har forsking, samlingsforvaltning og formidling som kjerneoppgåver, saman med innsamling, dokumentasjon og vern. Museet har fagfelta antropologi, arkeologi, kunst- og kulturhistorie, botanikk, geologi, zoologi og paleobiologi. Til museet ligg og ansvaret for utgravingsverksemda etter Kulturminnelova med forskrifter, samt ansvaret for tre botaniske hagar. Universitetsmuseet har omfattande vitskaplege samlingar og er eit nasjonalt formidlingssentrum. Museet har om lag 155 årsverk. Nærare informasjon om museet finn ein her:Postdoktor i kunsthistorie, sosialantropologi, etnologi eller arkeologi.
Ved Avdeling for kulturhistorie ved Universitetsmuseet, Universitetet i Bergen, er det ledig ei postdoktorstilling i kunsthistorie, sosialantropologi, etnologi eller arkeologi. Stillinga er for ein periode på tre år.Om prosjektet/arbeidsoppgåver:Vi ønskjer originale og ambisiøse prosjektforslag innan kunsthistorie, sosialantropologi, etnologi eller arkeologi. Forslag som kryssar faggrenser og har eit nyskapande, komparativt eller tverrfagleg perspektiv er særleg velkomne.I 2025 feira Universitetsmuseet i Bergen sitt 200-årsjubileum, samstundes som Historisk museum er mellombels stengt for omfattande renovering. Som del av førebuingane til gjenopninga av museumsbygget, ynskjer Universitetsmuseet å styrkje fokuset på nye og kritiske perspektiv både på museumshistoria og på framtida til samlingane: den samfunnsmessige betyding, den potensielle rolla dei kan spele i utdanning og korleis samlingane kan inspirere til innovasjon. Vi oppmodar til prosjekt som utforskar korleis eit «gammalt» museum, og den kulturarven som det tek vare på, kan bidra til aktuelle debattar om identitet, kulturarv, migrasjon, kulturelle møte og berekraft. Tilnærmingar kan til dømes handle om samlingane sin koloniale arv, etikken i samlepraksisar eller refleksjonar rundt breiare spørsmål om kva eit «nytt museum» kan bety som institusjonell og kulturell innovasjon.Vi søkjer ein kandidat med dokumentert erfaring innan kulturarvsstudiar og/eller museumsstudiar. Likeins må kandidaten ha interesse for korleis samlingar blir oppretta, presenterte, tolka og rekonstruerte i nye og innovative former, anten visuelt, digitalt eller interaktivt. Vi ønskjer velkomne prosjekt med teoretiske ambisjonar, enten dei er forankra i ein disiplinær tradisjon eller engasjerer seg i digital humaniora. Likeins prosjekt med samfunnsrelevans, originalitet og kreativitet når det gjeld å tenkje nytt om samlingars rolle i dagens verd.Som postdoktor skal du ta ei aktiv del i pågåande strategiske diskusjonar om framtida til museet. Dessutan vil du få høve til å samarbeide på tvers av fagområde, til å bidra til fornying av museet sin arbeidsmåte , og til å synleggjera ein leiande institusjon innan kulturhistorie.Kvalifikasjonar og eigenskapar:

Søkjarar må ha fullført norsk doktorgrad eller tilsvarande utdanning innan eitt av dei relevante fagområda, eller ha levert doktoravhandlinga innan søknadsfristen. Det er ein føresetnad at doktorgraden er oppnådd før tilsetjing kan skje
Dokumentert erfaring med samlingsbasert forsking, materialanalyse eller kritiske kulturarvsperspektiv
Søkjarar må ha gode skriftlege og munnlege engelskkunnskapar
Gode norskkunnskapar er ein føremon

Personlege eigenskapar, evne til å jobbe sjølvstendig og strukturert, samt gode samarbeidsevner, vil bli vektlagde. Forskingsrøynsle, internasjonal publisering, erfaring med innhenting av eksterne prosjekt, ambisjonar og potensiale vil òg telle ved vurdering. Ha sterk interesse for tverrfaglege tilnærmingar og innovasjon innan ei museumsverksemd, og vera ein kreativ og analytisk tenkjar med evne til å knyte historiske perspektiv til samtidige problemstillingar.Om postdoktorstillinga:Postdoktorstillinga er ei åremålsstilling og har som hovudmål å kvalifisere den som blir tilsett for arbeid i faglege toppstillingar. Åremålsperioden for denne stillinga er tre år. Ingen kan tilsetjast i meir enn ein åremålsperiode som postdoktor ved same institusjon.Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Det er ein føresetnad at den som blir tilsett gjennomfører prosjektet i løpet av tilsetjingsperioden.Vi tilbyr:

Spennande og utviklande arbeidsoppgåver i et sterkt fagmiljø
Stilling som postdoktor (kode 1352) i det statlege lønnsregulativet. Dette utgjer for tida ei årsløm på kr 657 000. For særleg kvalifiserte søkjarar kan det verte aktuelt å vurdere høgare løn
Medlemsskap i Statens Pensjonskasse
Stilling i ei inkluderande arbeidslivsverksemd (IA-verksemd)
Gode

Søknaden skal innehalde:

Ei kort utgreiing om forskingsinteresser, ekspertise og motivasjon for å søkje stillinga
Namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga
CV
Karakterutskrifter og vitnemål. Dersom doktorgraden ikkje er fullført, må ei stadfesting på at avhandlinga er levert dokumenterast
Relevante attestar
liste over vitskaplege arbeid (publikasjonsliste med lenkjer)
Kandidaten skal levera eit prosjektforslag (maksimalt fem sider) som tydeleg skildrar prosjektet sine teoretiske og empiriske tilnærmingar, og likeins tilknytinga prosjektet har til ei eller fleire av museet sine samlingar

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.Generell informasjon:Utfyllande opplysningar om stillinga kan ein få ved å vende seg til: instituttleiar Björn Nilsson, tlf. 41 24 69 13, e-post:Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.Universitetet i Bergen nyttar meirinnsyn ved tilsetjing i vitskaplege stillingar.Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.UiB er underlagt regelverket for eksportkontroll og regelverket kan komme til anvending ved behandling av søknader til stillinga.Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen .Om Universitetet i BergenUniversitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.Universitetsmuseet i Bergen –

Nordland fylkeskommune

Søk stillingen