CISO/IKT-sikkerheitsrådgjevar

Vestland fylkeskommune

Bergen, Vestland Leikanger, Vestland
Fast
Fulltid

14 dager siden

Om stillingaBrenn du for sikkerheit og digitalisering? Er du ein pådrivar for at sikkerheit er integrert med utvikling av digitale tenester? Vil du vere med å vidareutvikle korleis vi jobbar med risikobasert utvikling? Vi søker deg som har erfaring og kompetanse frå arbeid med sikkerheit, risikovurdering og bygging av sikkerheitskultur.Saman med dei som har fagkunnskap innan beredskap, personvern og ROS-analyse, vil du som CISO/IKT-sikkerheitsrådgjevar jobbe sektorovergripande, i tillegg til å jobbe inn mot seksjonane IKT og digitalisering. Som CISO/IKT sikkerheitsrådgjevar vil du få varierte og utfordrande oppgåver, ansvar på ein spanande arbeidsplass og vere med å utvikle sikkerheitsteamet i Vestland fylkeskommune.Stillinga er fast, og er i seksjon sikkerheit og støttetenester, i avdeling for IKT og digitalisering. Seksjonen er organisatorisk plassert i avdeling for IKT og digitalisering, og har avdelingsansvar for HR, økonomi, internkontroll, beredskap, personvern, prosjektleiing, IKT sikkerheit og dokumentasjonsforvaltning.NøkkelinformasjonSøknadsfrist:05.05.2024Arbeidsgivar:Vestland fylkeskommuneStad:Leikanger, BergenStillingstittel:CISO/IKT-sikkerheitsrådgjevarStillingar:1Heiltid / Deltid:HeiltidTilsetjingsform:FastStillingsprosent:100Webcruiter-ID:4796318919Sosial deling :Arbeidsoppgåver

Rådgjevar i IKT-sikkerheitsspørsmål i linje og prosjekt
Gjennomføre og følgje opp tekniske ROS-vurderingar, og etterkvart setje krav til iverksetting av verdivurdering og ROS-analyser
Planlegge og gjennomføre aktivitetar knytt til informasjonssikkerheitsområdet. Bygge sikkerheitskultur og bidra til at sikkerheit vert ein integrert del av utviklingsarbeidet og grunndesignet for applikasjonane våre
Fortløpande vurdere potensielle sårbarheiter og rapportere til leiinga
Bidra i handtering av uønska hendingar og fasilitere IT-beredskapsøvingar
Delta i utvikling av nye løysingar og kontinuerleg forbetring av eksisterande løysingar
Forvalte og vidareutvikle styringssystemet for informasjonssikkerheit, herunder prosessar og styrande dokumentasjon
Sørge for gjennomføring av revisjonar og tekniske sikkerheitstestar
Vere med å vidareutvikle sikkerheitsteamet i Vestland fylkeskommune

KvalifikasjonarDen som vert tilsett må ha:

Relevant høgare utdanning på masternivå innan IT- og informasjonssikkerheit, IKT, samfunnssikkerheit og/eller tilsvarande. Anna dokumentert relevant realkompetanse kan erstatte utdanningskravet.
Arbeidserfaring innan IKT sikkerheit
God kjennskap til informasjonssikring og personvern

Det er ein fordel med:

Kjennskap til CISSP, ISO 27001, CISA eller tilsvarande
Kjennskap til TOGAF og ITIL
Vere fagleg oppdatert på trusselbilete og trendar innan IT-sikkerheit
Kjennskap til sikkerheitslova
Kunnskap om og/eller erfaring frå offentleg forvaltning

Personlege eigenskapar

Du trivast med samarbeid på tvers av fagområde, etablerer gode relasjonar og tillit i ulike fagmiljø og

på ulike nivå i organisasjonen * Held deg fagleg oppdatert og deler av eigen kompetanse for å bidra til utvikling av fagmiljøet

Har evne til å motivere og inspirere medarbeidarar for å kunne bygge eit samhandlande miljø rundtdeg Jobbar sjølvstendig
Løysings- og resultatorientert
Strukturert og analytisk med stor gjennomføringsevne
God norsk skriftleg og munnleg framstillingsevne. Du trivast med å kommunisere jamleg med ulikenivå i organisasjonen, og er flink til å synleggjere arbeidet ditt.

Vi tilbyrHos oss får du faglege utfordringar og personleg utvikling i eit sterkt tverrfagleg miljø. Vi har rammer som sikrar deg ein fornuftig balanse mellom jobb og fritid.
Vi er IA-bedrift med gode forsikrings- og pensjonsordningar.
Vi veit at mange ønsker seg ein fleksibel arbeidskvardag med moglegheiter for å veksle mellom å jobbe heimanfrå og møtast på kontoret. Det vil vi sjølvsagt legge til rette for.Her kan du bli betre kjent med oss:Har du spørsmål eller berre lyst å høyre meir om jobben? Ikkje nøl med å ringe, vi fortel gjerne.Verdt å merke seg
Løns- og arbeidsvilkår er i samsvar med gjeldande avtalar i Vestland fylkeskommune.Stillingsnemning vert spesialkonsulent/ingeniør/rådgjevar/seniorrådgjevar eller spesialkonsulent fastsett på grunnlag av kvalifikasjonar og erfaring.Administrasjonsmålet til fylkeskommunen er nynorsk.Arbeidsstad er anten Leikanger eller Bergen.Litt reiseaktivitet må påreknast, men det daglege samarbeidet vil vere i digitale møterom.Alle nytilsetjingar vert gjort med ei prøvetid på 6 månader.Vi gjer merksam på at i fylgje offentleglova § 25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjortAdresse: Askedalen 2, 6863 Leikanger, NorgeAskedalen 2
6863 Leikanger
NorgeLars Hilles gate 22
5008 Bergen
NorgeKontaktinformasjonJohn Arne LillestølseksjonssjefOm arbeidsgivarenVestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Lokalsamfunna er ramma for gode kvardagsliv som gjev like mogelegheiter til å delta i verdiskaping i heile Vestland. Fylkestinget er øvste politiske organ i fylkeskommunen.

Vestland fylkeskommune

Søk stillingen