Kommunalsjef Organisasjon og HR

Bygland, Agder
Fast
Fulltid

24 dager siden

Om stillingenMenneska er Bygland sin viktigaste ressurs. Vi søker nå kommunalsjef for HR og Organisasjon, med stort engasjement for å jobbe heilskapleg og strategisk med læring og organisasjonsutvikling i kommunen. Kommunalområde Organisasjon og HR har ansvar for blant annet publikumsmottak m/sentralbord, kommunikasjon og media, internkontroll, HMS, lønn og personal, samt sentralarkivet. Eininga har i dag 4 årsverk.Du blir motivert av å gjere oss betre rusta til å møte utfordringar i framtida. Vi ser etter ein pådrivar for å vidareutvikle HR-funksjonen i tett samspel med kjerneverksemda og andre stabsområde. Du vil legge til rette for heilskaplege opplevingar for dei tilsette, systematisk medarbeidarutvikling og god leiarstøtte. Med ditt bidrag ønskjer vi at Bygland kommune vert vidareutvikla som ein attraktiv arbeidsplass, slik at vi kan fylle oppgåvene som følgjer med lovverket, sentrale avtaler, politiske vedtak og kommunale retningsliner. Du blir motivert av å levere tenester av høg verdi til brukarane av organisasjonen. Du forstår deg godt på teknologi, og vil forenkle og digitalisere arbeidsprosessane våre. Dessutan vil du kunne gjere enkle løysingar for dei tilsette i kommunen meir tilgjengelege. Du likar å kombinere oppgåver på operativt nivå med strategisk tenking, samt ta ei aktiv rolle i prosjekt og endringsprosessar. Stillinga går inn i kommunedirektøren si leiargruppeVi tilbyr:

Ei attraktiv leiarstilling i ein kommune med ambisjonar.
Gode moglegheiter for fagleg og personleg utvikling.
Gode moglegheiter for å påverka tenesteutviklinga i Bygland og sikra god samfunnsutvikling til beste for innbyggjarane.
Ordna arbeidsforhold i eit godt arbeidsmiljø. Vi vil lykkast saman.
Interkommunalt fagnettverk.
Gode forsikrings- og pensjonsvilkår.
Lønn etter avtale.

Vi gjer merksam på at opplysingar om søkjarar kan bli offentleggjort sjølv om søkjar har bede om at søknaden
får fritak frå offentlegheit. Søkjarar vil bli varsla dersom oppmodinga om reservasjon ikkje kan imøtekommast
(jf. Offentleglova § 25).NøkkelinformasjonSøknadsfrist:07.09.2025Arbeidsgiver:Bygland KommuneSted:ByglandStillingstittel:Kommunalsjef Organisasjon og HRStillinger:1Heltid / Deltid:HeltidAnsettelsesform:FastStillingsprosent:100Webcruiter-ID:4999118457Sosial deling :Arbeidsoppgåver

Vere ein pådrivar i utviklinga av ein framtidsretta arbeidsgjevarpolitikk i kommunen.
Bidra til HR og organisasjonsutvikling gjennom gode prosessar og breitt samarbeid.
Motivere til god innsats og vedvarande forbetring av tenesta.
Vere ein aktiv leiar som deltek i omstillings- og endringsarbeid i kommunen, og såleis ta del i den strategiske leiinga og utviklinga av Bygland.
Vere ein engasjert bidragsytar i kommunedirektøren si leiargruppe.
Systematisk HMS-arbeid.
Ha fagansvaret når det gjeld rettsreglar for offentleg forvalting generelt og arbeidsrett spesielt.
Rekruttering - planlegging, gjennomføring og koordinering.
Leie drøftingar og forhandlingar i tråd med kommunalt lov- og avtaleverk.
Ha ansvaret for drift og vidareutvikling av HR-system, rutiner og støttesystem, samt kommunekontakt inn mot IKT-Agder.
Kommunisere klare mål og forventingar både for organisasjonen, leiarar og medarbeidarar.
Legge til rette for eit godt og konstruktivt samarbeid med arbeidstakarorganisasjonane og vernetenesta.

Kvalifikasjoner

Høgare utdanning innan relevante fagområde (i særskilde tilfelle kan god

realkompetanse erstatte dette kravet) * HR-fagleg kompetanse på strategisk og operativt nivå

Relevant leiarerfaring, gjerne innan offentleg forvalting
Erfaring frå leiing av prosjekt og større endringsprosessar, gjerne innan digitalisering og innføring av HRM-system
God forståing av partsamarbeidet i ein organisasjon
Gode kommunikasjons- og framstillingsevner

Personlige egenskaper

Open og ærleg, tillitsskapende og samlande leiar.
Resultatorientert med utprega gjennomføringsevne og engasjement.
Samarbeidsorientert, ein som ser verdien av å samarbeide på tvers av sektorar og fagfelt.
Opptatt av å søkje og ta i bruk ny kunnskap.
Utadrettet, kommunikativ og relasjonelt dyktig, du er flink med folk.
Du stiller opp, viser mot og klokskap i krevjande situasjonar.
Du er representativ og trygg på ulike interne og eksterne arenaer.
Du bidrar med energi og godt humør!

Det vil bli lagde vekt på personlege eigenskapar ved tilsetjing.Adresse: Bygland kommune, Sentrum 18, 4745 ByglandKontaktinformasjonSimon EllingsbergKommunedirektørOm arbeidsgiverenBygland kommune ligg midt i Setesdal. Kommunen har omlag 1200 innbyggjarar og framifrå tilhøve for friluftsliv ved fjord og fjell. Her er gode oppvekstvilkår og eit godt tenestetilbod. Vi tilbyr våre tilsette spennande arbeidsplasser der kommunen sine verdiar - stolt, truverdig, framsynt, løysingsorientert og lojal - står i fokus. Bygland kommune har nynorsk som offisiell målform.

Bygland kommune

Søk stillingen