Rådgjevar - 100% fast- Landbruk

Frekhaug, Vestland
Fast
Fulltid

27 dager siden

Rådgjevar - 100% fast- LandbrukOm stillingaAlver kommune har ledig ei fast 100 % stilling som rådgjevar på Landbruksavdelinga. Kommunen er ein av dei største landbrukskommunane i Vestland og har eit vidt spenn i kombinasjonen av små og store gardsbruk, tradisjonelt jord - og skogbruk og ulike bygdenæringar, med eit variert landskap frå kystlynghei ved havet til frodige beiter i høgfjellet. Dette gjer at det er ein spennande stad å arbeida. Du får allsidige arbeidsoppgåver og sakstyper som gjer at du vil få ein variert kvardag . Landbruksavdelinga ynskjer deg som vil gjere ein forskjell for landbruket.Avdeling for landbruk har som mål å bidra til eit godt og robust landbruksmiljø. God forvaltning og fokus på innovasjon og utvikling av landbruksnæringa er viktige satsingsområde.Alver kommune opplever eit generasjonsskifte i landbruksnæringa, og fokus på informasjon og oppfølging av nye bønder er ei viktig oppgåve. Alver kommune har og ansvar for landbruksoppgåver for kommunane Austrheim og Modalen. I dei tre kommunane er det om lag 500 aktive bønder. Store oppgåver som ligg framfor oss er klimatilpassing med spesiell fokus på agronomi, næringsutvikling på små og store bruk og nytting av dei store skogressursane i regionen.Landbruk er ei av tre avdelingar under tenesteområdet Arealforvaltning i Alver kommune. Me har eit tett tverrfagleg samarbeid med dei to andre avdelingane; Miljlø og byggesak og Kart og oppmåling, og med andre sektorar i kommunen.Kontorstad er i kommunehuset på Frekhaug. Landbruksavdelinga har 7 tilsette.ArbeidsoppgåverVi søker deg som har kompetanse, erfaring og interesse for forvaltning og utvikling av ei framtidsretta jord- og skogbruksnæring. Stillinga vil gje deg høve til å forma utviklinga for næringa i Alver og samarbeidskommunane. Stillinga er sjølvstendig og du vil kunne påverke eigen arbeidskvardag. Stillinga omfattar både fokus på næringsutvikling og forvaltning. Kompetanseoppbygging og rettleiing av bønder er ein viktig del av arbeidsoppgåvene.Arbeidsoppgåver som ligg til stillinga er i hovudsak:

Forvaltningsoppgåver knytt til lovsaker som jordlov- og konsesjonssaker, herunder driveplikt og drenering
Forvaltningsoppgåver knytt til sakshandsaming av landbruksvegar.
Næringsutvikling knytt til landbruk, arrangera fagmøte, kurs og liknande.
Kontakt og rettleiing av bønder/grunneigarar
Tverrfagleg samhandling med andre fagområde og samarbeidspartar i og utanfor kommunen

Andre oppgåver kan bli lagt til stillinga. Fagfeltet vert delt med kollegaer ved kontoret.KvalifikasjonskravVi søkjer deg som har:

Relevant utdanning innan skog eller jordbruk, helst på masternivå, minimum bachelornivå.
Gode kunnskaper innanfor landbruk, både praktisk og teoretisk
God skriftleg og munnleg framstillingsevne på norsk
Relevant erfaring kan vega opp for manglande formell utdanning
Personlege eigenskapar som sjølvstende, initiativ og gode samarbeidsevner

Ønskt kompetanseVi søkjer deg som:

Har interesse og engasjement innanfor fagområdet
Relevant erfaring frå tilsvarande stilling
Erfaring frå offentleg forvaltning
Har gode samarbeidsevner
Tar ansvar og kan jobbe sjølvstendig
Er løysingsorientert og fleksibel
Har gode kommunikasjonsevner både skriftleg og munnleg
Trivst i kontakt med bønder, grunneigarar og andre aktørar
Har godt humør og ynskjer å bidra til eit godt arbeidsmiljø
Ny utdanna er velkommen til å søkja

Du må ha førarkort.Vi tilbyr

Variasjon i arbeidsoppgåver
Godt arbeidsmiljø og trivelege kollegaer
Løn etter avtale basert på utdanning og erfaring
Gode pensjons- og forsikringsordningar i KLP

Om arbeidsplassenAlver kommune - Ein spennande organisasjon for engasjerte og kompetente medarbeidarar!Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare.Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv.Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.Bli med på vårt eventyr i Alver kommune, der vi søkjer etter dedikerte og dyktige menneske som ønsker å vere ein del av vår felles suksesshistorie. Vi ser fram til å ønskje deg velkommen og gi deg ei meiningsfull og givande karriere hos oss.

Alver kommune

Søk stillingen